" البَرَادْعِى ْلـَخْبَطـْهُمْ " ...............................................................   " البَرَادْعِى ْلـَخْبَطـْهُمْ " د. توفيق ماضى ***** مَرْحَبْ يَا عَمِّى بَرَادْعِى، يَاللـِّى مَليتْ العينْ دَانْتـَا بْشِهَادِةْ الجَمِيعْ مَصْرِى يـِشَرّفْ، زِينْ خَلـّيتْ بـِتُوعْ السِّيَاسِه إِتْلـَخْبَطـُوا ف ثـَانْيِه وِ الكُلْ رُكَبُه تِشَخْشَخْ، قَبلْ الهَنَا بسَنَتينْ ***** كـَانْ البَرَادْعِى كِبيرْ وِ مَصْرِى بـِيْشَرّفْ وِ لـَمّا قـَالْ "نـَاوِى أحـْـكُمْ"، قـَالـُوا بـِيْخَرّفْ إِخْصْ عَلى شَكـْلِكـُمْ يـَاحَاشْيـِه بـِتـْنـَافِقْ مِنْ كُتْر بُوسْ الأيَادِى، مَنْظـَرْكـُوا بـِيـْقَـرّفْ ***** لـِيهْ بَسْ أرضْ الكِنَانِه عَايـْشَه فِى مَتَاهَهْ وِ الكُل نِمْسَحْ كَرَامْتـُه وِ نـْقـُولْ دَا فِيهْ عَاهَهْ يـَا ظـَلـَمَه عيبْ اخْتِشُوا دِى مَصرْ وَلاّدِهْ وَ اللهِ آنْ لِلـْمَقَادِمْ يِتْنَافـْسُوا بـِنَزَاهَهْ ***** دَا مَصرْ عَايْزَه كـُبَارْ مِشْ كَدّابـِينْ زَفـِّه مِشْ أىْ وَاحِدْ حَرَامِى هَفـِّلـُهْ هـَفـِّهْ عَايزَه زَعِيمْ زَىْ نَاصِرْ أو مُصْطـَفَى كـَامِلْ وِ يْغـُورْ اللّى رَاضِعْ نِفَاقْ وِ هُوّ فِى اللـّفـِّهْ ***** حَتْمًا حَيـِيجِى الأمِينْ اللّى يَاخُدْ بـِيدْهَا وِ يـِبْقَى يُومْ انـْتِخَابُه هُوّ يُومْ عِيدْهَا وِ يْتـَنـُّو عَامِلْ حِسَابْ لِلّى جَابُوهْ يـِحْكـُمْ وِ إِنْ هُمّا الأسَاسْ، وَ لاَ عُمْرُهْ يِكـُونْ سِيدْهَا ***** د. توفيق ماضى أستاذ إدارة الأعمال بجامعة الإسكندرية "سابقا" وبجامعة الكويت حاليا mady@cba.edu.kw   المزيد 12/02/2011 مصرنا ©
	.....................................................................................